انا ابن الايام
تعبت من الناس
من المشي معاكو ياناس
ومعتش يهمني حد
ولا احب أشوف حد
علشان انا ابن الايام
هي اللي مونساني
وكل يوم غير التاني
ولا يوم تعبتني
ولا يوم زهقتني
ولا يوم طلبت مني
ولا قالت عاوزه ايه
اللي معايا بمشي عليه
غير البشر
دول جراد وانتشر
وبقو زي الغجر
حاجه واحده فيهم
عليها اللي يجازيهم
كلهم زي بعض
وراح بينهم الود
لما من التعب حيلهم اتهد
وخلاص خلاص
معتش عاوز اشوف ناس
لاني ابن الايام
ياخساره والف خساره
الحياه بقة منهاره
وبدورو علي الغلط بسناره
ماهو حيروني الناس
لما علي بعض داسو خلاص
اللي معاه علي الرأس
واللي مش معاه ينداس
معتش فيه امان
كله بقا حيتان
واللي فات في عالم النسيان
يبقي معاك
وقاعد معاك
وبدور علي اذاك
وتأكله بايدك
ياكل كل ايدك
وكمان عاوز بتناكته يعمل عليك سيدك
هو دا اخرت المعروف
الضرب بالكفوف
ماهو اللي عملته بقا متلوف
علشان الناس.
طلعت مش ناس
وبعدت عنهم
ومبقتش منهم
علشان انا ابن الايام
واللي واخداني علي راحتي
ولا يوم قلة راحتي
اليوم الحلو اسهر
واليوم الوحش بنام
دي هي الايام
ومعتش يهمني حد
ولا عاوز اشوف حد
لاني انا ابن الايام
.
بقلمي محمد سليمان
