خيرك ،، سابق
خيرك سابق
ما جيبتش حاجة من عندي
بتتسابق
في كسر النفس مين يبدي
و لما ح اشوفها توصللك
ح اقوللك ، و الله ، ما بيدي
خيرك ، سابق
سايق عليك ، النبي
لا. ، تحل في الفوازير
ماشي و كان مطلبي
تفضل في عيني ، كبير
عارفك و من كام سنة
دنيتنا ،كت ، سوسنة
عمري ما قولت ، الأنا
و انت ، غاوي ، التغيير
سائق عليك ، النبي
لا ، تبص ، قدامك
أنا من زمان عارفك
مبسوط في ، احلامك
طاير ماشوفتش ، أرض
سالك ، طريق ، البُعد
تجرح ، و أما ، بَعد
تكسرني ، في ، منامك
خيرك ، سابق ،،!!
خيرك سابق و من خيرك
بسافر من بلاد ، لبلاد
و اشوف ، عُباد ، لتفكيرك
تاخد بعزايا ، في الأعياد
مانيش ، ناكر. لأفعالك
عشان فعلك ، بقا المعتاد
ح اسيبك ، ضمن ، محاسيبك
و اقولها لك ، أنا ،مفارق
خيرك ، سابق ،،!!!
شعر / ياسر عبد الحميد
