« يوم العيد »
ليه يا امه ؟؟؟؟؟
ابويه ما جابش حلاوة ولا فول في العيد….
وليه ما خبذتيش بسكوت وناعم زي كل عيد…
وليه ما جابليش زي كل سنه انا واخواتي لبس جديد….
هوه مش النهرده العيد……؟؟؟
وليه العيال في الشارع مش فرحانين….
ومافيش حد منهم اشتري لعب من الدكاكين….
ليه يا امه كل الناس مهمومه كدا وحذنانين….
وتحسيهم يا مه في دوامه وشموعهم طافيه ومش بتقيد..
هوه فيه حد مات النهرده في العيد….
يا امه انا نسيت….
حجات كتير بطل ابويه يجبهالنا في البيت…
ياريتني يا امه للدنيا دي ما جيت…..
*******
يا بنتي…
الحياة بقيت قاسيه وصعبه….
والناس مش ملاحقه…
ومش مكفيه…..
واللي كان زمان بعشرة دلوقتي عدا الميه…
والاسعار كل يوم بتغلى وبتذيد….
منهم لله يا بنتي اللي حرمونا وحرموا عيالنا حتي نفرح في العيد….
ابوكي يا بنتي كتر خيره….
جمل حموله برك
وصبره هج طيره…
كل يوم يا بنتي الحمول عليه بتذيد…
ربنا يا بنتي كبير…
واللي مات هو الضمير…
ناس ضميرهم مات….
علشان الملاين والالوفات…
كل شئ عنديهم مباح…
طالما فيه مكسب وارباح…
اهم حاجه ثروتهم تكتر وتذيد…
ومش مهم احنا نعيش
ولا نموت
او نتهني بيوم العيد…
ربك يا بنتي يعدي الايام دي على خير
وبكرة هيكون اجمل اكيد…
والايام كلها تبقي تبقي ايام عيد…
احمد ماهر ابو نورا
شاعر الصعيد
