أشكر ربنا
بقلمي محمد عنانى
لما تشكر ربنا على نِعمته يِبقَا جَميل
حتى لو كان كل شىء صعب وتِقيل
ولا الأمور مِتعَقَدَه ولِيلها طويل
غرقان في هم كبير وآه وويل
ولا لاقي حتي ف شدتك واحد أصيل
واقف بجانبك للحمول وياك يشيل
كل دا وأكتر كمان يِبقَىَ قليل
لما تِعرف إن فيه غِيرك عليل
و حد تانى عشان يِعيش لازم غسيل
واللي عنده مُشكله مالهاش مثيل
كل دا حيساوى إيه ويساوى كام
لما تِبقَى ف نِعمَه والصحه تمام
لما تِصحَىَ الصُبح وتفتَح عِنيك
أو تقوم تِتمَشَىَ وتحرك إديك
لما تِسمع أو ترد ع اللي بينادى عليك
والستر دايما صُحبتك خِل وخليل
إنتَ تِحمد ربنا من الصُبح ولحَد المنَام
والحمد يِبقَىَ بفعل موش بس الكلام
مع الأمل في الله ما يِبقا مُستحيل
وكل صعب تلاقي له مليون بديل
