أنا دلوقتى بتكسر ووصلت ل أخر الحكايه وقلبى خلاص خسر ورفاعلك الرايه ألفتى القصه ومثلتيها وكتبتى النهايه
راهنتى على خداعى بعد ما إديتلك الأمان زودتى ألامى وأوجاعى وقلبك غدر وخان ضحيتلك بكل حاجه وإنتى بكل سذاجه بتقولى عليا ضعيف جبان أدينى بنهار قدام عنيكى ألف مبروك عليكى كسبتى الرهان
شايف فى عنيكى فرحه على ألامى وأوجاعى وبتضحكى ب أعلى صوت أحزانى ب إديكى طارحه وماكنش فيه داعى تيجى علشان تشوفينى وأنا بين الحياه والموت شكراً ياخاينه ياجارحه يا سنين عمرى إل ضاعت خلتينى أعيش مكبوت
أيام وسنين طويله وإنتى كنتى الأميره فى قلبى وعنيا شفتك بعيون جميله وبعدك كان حاجه مستحيله وصعبه جداً عليا كنتى أكتر حد بحبه فى الحياه بنيتلك أحلام كتيره وكنت ليكى طوق نجاه وأديكى فى النهايه دوستى على كل داه وبتهدى كل إل بنيته ب إيديا
