ألف ليله وليله
كلمات / أيمن البكري
ألف ليله وليله
فى حكايتنا إل كانت
حكاية حب حلوه وجميله
قولتيلى فى البداية بعشقك قوى
وهعيش معاك ولو حتى فى عش
وكانت النهايه جرح كبير قوى
وخلصت الروايه بغدر وكدب وغش
أنا لما كنت بشتاقلك
وأحس إني محتاجلك
بجرى عليكى وأرجعلك
أخدك فى حضنى
وتفضفضى وأسمعلك
كل دى كانت حاجات ملهاش معنى
ياما سهرت كتير جنبك
وأنا قلبى حاضن قلبك
وفجأة لقتنى فى نار جرحك
عايزانى دلوقتى إذاى أسامحك
مفيش حاجه دلوقتى ممكن ترجعنا
ألف ليله وليله
وأنا معاكى على وعدى
تغلطى بسامح وبعدى
وأدعيلك ربنا يهدى
إديتلك عمرى وحياتى
وعشتلك أحلى أوقاتى
وفى النهايه سبتينى
أكمل الطريق وحدى
ياما كتير كنت بتألم
وأخاف أقول أو أتكلم
تنزل عشانى دموعك
أتارينى كنت بحلم
وجرحك فيا بيعلم
وأنا مش قادر أشوف
حزنك وخضوعك
وقلبى راضى ومسلم
وعلى إل فات بيتندم
ومش مستنى دلوقتى رجوعك
