بقلم / ياسر عبد الحميد
كان في منه و خلص
ما فاضلش فيه غير شِلن
و كرامه ،، راح ،، تندفن
علشان ماتت م الجوع
حجزوها في الممنوع ،
و الونش ، ما اتحركش
و استغربوا ، لحاله
ليه ف الكلام ماسمعش
ولا كان ،، علي باله
ولا يجوز ، ما فهمش
كمل في ،مواله
و سمع فصيح مزنوق
في كلمتين معاتيه
قرب معانا و دوق
في اللي احنا بنسميه
وجع و كسرة نفس
لو دوقت طعمه تحس
و اسأل عزيز النفس
ح يقوللك ، المعني
هو انت ليه ف كلمتك
دايما ، بتجمعنا
نسمعها منك ، نتوه
ترجع ، تقطعنا
أل يعني فرش حشيش
و شبعت ، فيه ، تنتيش
و بترمي ع الحرافيش
دخان ، بيعميهم
و بتبتسم في القول
و تقول ح اخليهم
مع كلمتين ، تافهين
الجوع، ينسيهم
لو كل فرد ،شمال
خد ، م المعاني شوال
تلاقيه ، يتوب في الحال
لكن ، ما ، بيتوبشي
ضرب الحديد بيفل
و الجوع صبح ، ع الكل
ما بقاش فاضل غير ذُول
علشان ما ، نحلمشي
مرتبط
زر الذهاب إلى الأعلى