جـوايـا صـرخـة وميـن يسـمـع
بقلم سهام ماجد
يا قــلبي قــوللي إيـه مـالك؟
ميـن … بيسـعــى لعــذابك؟
بكـتني ليــه دمـوع مــن دم؟
مش عارفة إيه بيجرى لك؟
يادنيا ليه ؟ قاســيـة عـليــا
مــا فـيــكِ لمـســـة حــنيــة
كــل مـا أقــول عـليا تحـني
ألقى الدمــوع ماليــة عيـنيـا
يا دنيــا ليــه … معــانـداني
بتعيدي جـرحــي من تـاني
نفـسـى بـأة تنســينـي مـرة
هو انتِ ليه مســتلمـاني
ليــه كل فرحــة ألاقــيهـا
تاخــديهــا مني وتـرميهـا
ليه دايما منـى واخدانـى
طب إمتى الدمعة تداريها
روحى وراحت مـني خلاص
الدنيا ما عاد فيه إخلاص
قولوا لى فين من حزني أروح
لو تعـرفوا دلونـي يـا نااس
الدمعة في عـيني ما بتسـيـبني
والحزن ساكن .. وحاببنى
ماشى ورايا منيـن ما أروح
مـتمـسـك بيـا.. دا عـاهدنى
يا حزن إنسـانى إعمل معروف
القلب داب من غـيــر مايشوف
نفسى …فــى لحظـة حنيـة
بـالدمـع كـتبت كـلام وحروف
ف الدنيا دى مـش لاقيــة مكان
نفـسى أكـون في خـبـر كان
لا في يـوم ابـكى ولا أشكى
أرتاح وترتاح منى الأحزان
جـوايا صرخة وميـن يسـمع؟
الطعـنة ف قلبى آه بتـوجع
يارب وحـدك عالم بـالحال
إرحمنى وللدنيا ماهـرجع
