المكتوب على الجبين
كلمات …… أيمن البكرى
المكتوب على الجبين
لازم تشوفه العين
دنيا سنالنا السكاكين
فيها ناس كتير مساكين
نصيببك فيها قدر مكتوب
لازم تنفذ المطلوب
وشمسك مسيرها فى يوم لغروب
حكم وهتنفذوا يا حزين
أبوك إمك وأخوك
وناس كتير حبوك
هتفارق هتفارق
هتلف سنين وتعدى سنين
أيام هدوك أيام تعبوك
مركب ولازم أكيد غارق
المكتوب على الجبين
لازم تشوفه العين
نصيبك فيها محسوم
طريقك أحزان وهموم
دايماً خطر كله مطر وغيوم
عايش وسط ناس حاسس
إنك غامض ومش مفهوم
صبرنا كتير وقولنا كتير
لسه الأمل موجود
عشقنا قلوب ماليتنا عيوب
صدقنا كلام ووعود
وكل طريق نمشى فيه
نوصل لباب مسدود
وأرجع تانى لنفس مكانى
بجرح وأه وحلم كبير مهدود
المكتوب على الجبين
لازم تشوفه العين
ولازم هتيجى نهاية الرحله
إل مشينا فيها وإحنا
كل يوم بتتبدل وتتغير ملامحنا
جرينا ورا جاه وفلوس
وصحينا منها على كابوس
كتير الدنيا بتكسرنا
وبنقسى فيها على روحنا
