شريكة حياتى
كلمات أيمن البكرى
إنتى صاحبتى وحبيبتى ومراتى
الدواء إل بيشفى كل أهاتى
الضهر إل بيسندنى
والقلب إل بيسعدنى
إنتى إنتى شريكة حياتى
فى كل خطوه بخطيها
كنتى معايا
وفى عز الحزن بكلمه منك
بنسى أسايا
إنتى دايماً بتشجعينى
وفى ضعفى بتقوينى
بتنسينى كل همومى
لما بكون مدايق
والدنيا مش جايه على هوايا
بحبك مهما تكون
دماغك ناشفه وعناديه
مين غيرك بيفهمنى
من نظرة عنيا
من غيرك نظملى حياتى
رتبلى أولوياتى
معاه كل حكاياتى
يا أحلى إقتصاديه
من غيرك بيشجعنى
لو العالم كله وجعنى
هى بتداوينى
مهما قابلت مشاكل
وتعبت جداً على الإخر
بتهدينى
إنتى صاحبتى وحبيبتى ومراتى
الدواء إل بيشفى كل أهاتى
الضهر إل بيسندنى
والقلب إل بيسعدنى
إنتى إنتى شريكة حياتى
