ضحكة ، وجع
شعر / ياسر عبد الحميد
***********
البسمة برسمها ،
بضحك عشان ما ابكيش
و اللقمة بقسمها
عارف بغيرها مافيش
و النفس اكلمها
أشبع ردود تلطيش
ما قدرش افهمها
رغم اني قدامها
أحزاني أحزانها
لكن الفرح ما يجيش
الكل حاوطوني
بيزيدوا فيها الهبش
لو مرة صالحوني
القي كلامهم دبش
ان لومت يلوموني
وبقيت فداهم كبش
ماشي في صورة جدع
بضحك بضحكة وجع
ماهي دنيا فيها البدع
و الساري فيها النتش
بضحك علي الأيام
و أبكي ل سنين قدام
مش لاقي أي كلام
أوصف معاني الغش
كل الظروف ليهم
مسموح بتغييرها
دايرة تدور بيهم
ما انتاش مكملها
ما انت اللي مات فيهم
بالرحمة ، و بغيرها
العرض ليك مقفول
واصل و مش موصول
أصلك غريب القول
طبعك فيهم ما نفعش
*******************
شعر / ياسر عبد الحميد
*******************
