قلبى اللى سيبته معاك
******
خد بالك منه
قلبى اللى انا سبته معاك
فاتنى ولا همه
كان حلمه يعيش وياك
كــان فاكــر إنــه
هيعيش فرحان جواك
ولا جاش على باله مرة
موته هيكون ف هواك
يامــا سـألك قلبى ياما
ايه آخرة حبى معاك
قلت له هـواك دوبني
كان شايفك زي ملاك
تصدّق كان فاكـر إنــه
على طول ساكن جواك
ولا أبدا فكــر لحظــة
حبك هيكون له هلاك
ميــن قـالك تاخده وتبعد؟
وتخليه يجرى وراك
أنــا منك هـاخـد قلبي
وانساها كمان ذكراك
وان جيت على باله ف مرة
هعمل أنا مش فاكراك
واستحمــل وجعه وألمه
وأهرب من ذكرى لقاك
بقلم الشاعرة والكاتبة سهام ماجد
مرتبط
