العيب علي مين
كيف الغلابة زاد ، و كتفوا دراعو
فتحو له ألف مزاد ،و البياعين باعوا
شاركوه في سعر الزاد زادو ف اطماعو
طب قولوا نجيب العيب علي مين
الدنيا لمت عيالها و غلاها كان مسعور
و كفيفها ماشي ف رحالها ، جايز يصيبه الدور
أما اللي شايف ضررها ساكت عشان مجبور
طب قولوا نجيب العيب علي مين
الناس بتحلب جهودها و الرزق ع الخالق
حبت توفي عهودها تاهت علي مفارق
دابت ملامح وجودها و برضوا ، مش فارق
طب قولوا نجيب العيب علي مين
ساكين بيبانا علينا عشان مافيش فايده
و الجوع مغمض عنينا و مشينا ميت يارده
قالوا مافيش حق لينا عملنا ف معارضه
طب قولوا نجيب العيب علي مين
كيل الغلابة طفح ، و الرك ع المعيوب
مجروح و قلبه اندبح ، رابط حزام أيوب
ولا حد فينا فلح ، و الكل صار مغلوب
طب قولوا نجيب العيب علي مين شعر / ياسر عبد الحميد
مرتبط
