لما بعدتى
كلمات………….
…… أيمن البكري
أنا الخاين وأنا الكداب
وأنا إل ظلمتك كتير ياما
وأنا إل لما قولتى خلاص
فتحتلك ب إيدى الباب
وقولتلك مع ألف سلامه
كنتى مستنيه منى
أجرى وأخدك فى حضنى
لقتينى أنا إل مستغنى
مشيت وهى
كاتمه الحزن جواها
وأنا دلوقتى ندمان
وبقولك أسف غلطان
ومستعد أتعاقب كمان وكمان
على كل لحظة بعد
أنا وإنتى عشناها
لما جبتى خلاص أخرك
وجفت دموع عينك
ودبلت شفايفك
وشفتى ف عنيا كلام
بتقولك مش عايزينك
قررتى البعد
ومع إن القرار كان صعب
لقيتى قدامك حد
مش فارق معاه
حب سنين بيتهد
ولما بعدتى
بعدك كتير قوى إتألمت
وشفت الويل ولا إتكلمت
وف كل لحظه كان نفسى
أجرى عليكى وأقولك
أسف أنا ندمت
بعدك تعبت كتير خالص
ومن غيرك كنت ناقص
وخدت الدرس وإتعلمت
وأدينى فعلاً راجع
مليان أحزان ومواجع
جوايا ألام وجراح
مفيش غيرك يداويها
أنا وقلبى
بنقول إذاى هانت
دى لا باعت ولاخانت
دى واحده كانت
شايلانه فى عنيها
دى لو رجعت لينا وسامحت
مش هنقبل ف يوم جرحك
هنكون ليها ضهر أمان
ومهما حصل أو كان
مش هنفرط أبداً فيها
