& إرجع ياااا زمن &
بقلم /عماد الأبنودي
•••••••••••••••••
ما تفتكرش إني هأنسى
ذكري حلوة كانت لينا
مهما تبعد و قلبك يقسى
لساه الشوق دايب فينا
ذكري فيها ضحكة و هوى
و الهوى كان سهران معانا
و ينادي الليل يقول يا هوى
خلي الأحبة دايما وسطينا
رجع شريط العمر ثواني
شوف ذكريات جوه الماضي
ياريت عمرنا يعود من تاني
و يفكرنا بكل … ماضينا
و يصحي حب كان بينا
و أيامه الحلوة … تنادبنا
إرجع يااااا زمن لو ينفع
خلي الشوق يردد غناوينا
قولوا له الذكري مش بتموت
لساها دفيانه جوه فينا
صحيح عايشه مالهاش صوت
لكن حنينها يوماتي يناجينا
بقلم
عماااد الأبنودي
2 / 8 / 2023