أنا سياسي
كلمات…………..أيمن البكرى
وأهى ماشيه
يوم حلوه ويوم وحشه
ويوم قاسيه
يوم بضحك ويوم ببكي
ويوم جارحه
يوم بحزن ويوم ببقا
طاير من الفرحه
يوم بيعدي كأنه كابوس
بتمني إني لو كنت معشتوش
ويوم بتبقي
عروسه لابسالي الطرحه
أنا سياسي
بسايس الدنيا علشان أعيش
وبحمد ربنا
على اليوم إل بيعدي
فيه ما أبكيش
بتاخدني الدنيا
قلمين على وشي
وتسلمني لل الإيام
أبقا مستني
حد يقولي معلهش
ألاقيها بتهدلي أحلام
أيامي كلها
بقت شبه بعضها
وزى ما بصحي بنام
ولو حد سألني عامل ايه
بكدب عليه وبقوله كله تمام
أنا سياسي
بسايس الدنيا والناس والأيام
لا عمرى ببيع ولا عمرى بخون
ولا بعرف أكون قاسي
ومهما يجي الناس عليا
ومهما تبكي عنيا
بعدي وبقول ماشي
الكل ناسيني نفسى ياعيني
نفسى الاقيني
على برك في يوم راسي
أنا سياسي
بسايس الناس
ياما إشتريت غالى
وباعوني ببلاش
وياما عيون فيهم
بتوحشني
وأبقا عايز أجري عليهم
وعزة نفسى بتحوشني
وياما ناس بتسامح وتنسالهم
وتقفلك على غلطه مبتنساش
وأهى ماشيه
يوم حلوه ويوم وحشه
ويوم قاسيه
يوم بضحك ويوم ببكي
ويوم جارحه
يوم بحزن ويوم ببقا
طاير من الفرحه
يوم بيعدي كأنه كابوس
بتمني إني
لو كنت معشتوش
ويوم بتبقي عروسه
لابسالي الطرحه
