بتتعارك ، و تتشابك ،، و بيتشارك بكل حروف و احيانا بتتصادم ،و تتراجع ، مالكها الخوف تدور الكلمة بالإحساس ، و بتعبر كتير عن ناس تلاقي أساس كتاب وناس ، و فهرس فيه تلف تطوف،،!!
كتاب الناس فصوله كتير و بتعلم بتقراهم في حكاويهم و تتألم تشوف جاني و مجني عليه و تعمل ايه مادام القصة في السابق بتتسابق و تتكلم
ما دول كانو زمان احباب في كل اوقات و مهما تقلب الصفحات تلاقي حاجات تشيل عنك تقع منك مع الي فات يشدك بس احساسك و بتلاحق في انفاسك و قلبك ينتفض منك تغيب روحك مع الدقات
و بتقَلب في باب السيرة و العشرة تلاقي مديح في قلب الريح دهب قشرة نفاق زايد و بيعاند مع الأيام ، بقوا خدام لكسر النفس ،، و صيتهم عالي في النشرة
تقلب صفحتين تانيبن تشوف عناوين بشكل حزين و صورة لشرخ كان في قزاز ،، و ناس باكيين في دنيا تلف جوا مدار ، ما بين أسوار و في استعداد لضرب النار ، عشان مجانين
و باب تاني لسعادة البيه ، اللي كان مغرور دا كان مغمور ،، و طول عمره يلف ، يدور ضرب سكينه في كرامته و راح يدفنها بسلامته رجع ناسي اللي عمله زمان و عاش في الدور
