بقايا ذكريات
لملم جراحك وحط
في جرابك بواقي
الذكريات
وأرميها في بير النسيان
وأمسح دموعك على اللي
فارق واللي خلانا نصرخ
من الأهات
ياللي خلعتوا برقع حياكم
ليه تخونوا عشرة سنين
بعد ماوشمتوا جوانا مشاعر
ماتطلع من سكات
هو أنتو فاكرينا حجر
ولا حبنا ليكم سهل يطلع
ببعد المسافات
واللهِ لو كان بإيدنا ماكنا
رسمنا حبكم على جدار قلوبنا
اللي دبلت من جفاكم
والحزن اللي فات
حتى العيون صابتها عتامة
بعد ماغنت في العشق
أحلى الأغنيات
ياللي رميتوا كل اللي عدى
أوعوا تفتكروا أننا عنكم
مانستغنى ولا هنعيش
ع الذكريات
لا وحياة حبنا ليكم راح
نخلع قلبنا ونرمية
في بير الظلمات
وإن جيه غريب يسأل
عنكم راح نقول كان لنا
حبيب ومات
بقلمي ..إيمان محمد
