ايه حكايتك

ايه حكايتك
………………..

………………شفت نورك فجر بادى
كل ماامشى القاك قصادي
شفت فيك صورة بلادي
شفت فيك حضن الحبايب
شفت فيك ضمة ولادى

أنت قلبك نيل ومرسى
قلبى مركب فيه بيرسى
مهما ابعد عمرى ماانسى
قلبك المليان حنان
واللى ما يعرفش يقسى
شفت فيك شمسي وضلي
أنت والله شىء كبير
وأنت أعلى م النخيل

غصب عنى وبإرادتى
طب قلبي وف غرامك
وابتديت القاك فى قلبي
وف كلامي لا وصمتي
والتقيتك جوه رمشى
أنت حلم جميل يزورني

والقى طيفك زى ضلي
بيصاحبنى كل ماامشى
وان ف يوم نامت عيونى
القى نورك بيصاحبنى
روحى ساكنه جوه روحك
غصب عنى وغصب عنك

واكتب الاشعار بحرفك

عشت ليك
عشت فيك
عشت أدوب شعري فيك
واغزل الأشواق إليك
من شعاع شمسك ودفئك
بدى اضمك بالمشاعر
واحتويك من الامك
واملأ قلبى من بخورك
وارسم الكلمات بنورك
واترسم جواك في قلبك

روحى هايمة بتنادي لك
ترسى روحى عند شطك
ياللى انت ليا كل الكون
دلني
قول ياحبيبى
دبت فيك
فين طريقي

………………………………..د. هدى عبده.