للأسف اغلب الناس دلؤقتي بقت بتقيم علاقتها مع اللي حواليها بمدي و حجم الاستفادة من العلاقة دي ..بغض النظر عن المشاعر اللي بينهم حتي مع اقرب الناس ليهم .. بقو بيحسبوها طول الوقت بالورقة والقلم ..الشخص دا خد منهم ايه و قصادها هو قدملهم ايه .. و لو حسو في مرة ان الحسبة معاهم خسرانة بيسحبو نفسهم علطول او بيبطلو يدو تاني طالما مفيش مقابل ولا استفادة.. والغريبة ان دا بقي الغالب علي اكتر الناس وبقت معظم العلاقات جافة .. قايمة كلها علي خد و هات و مصلحتي و مصلحتك حتي لو حاولو يدارو او ما يبينوش دا في وش بعض بس للأسف هي دي الحقيقة اللي جواهم .. وبقي من النادر انك تلاقي حد بيحب حد كده ..لله في لله ..الا من رحم ربي .. وبقينا حتي بنستغرب علي الشخص اللي بيدي كتير من غير حساب او مقابل بنقول عليه دا عبيط او شكله غلبان علي نياته .. وبدل حتي ما نقدره و نديله حقه بنيجي عليه و بنستغل النقطة دي عنده اسوء استغلال .. كتبه/سيد عبدالتواب السويفي
