رَص ،، طوب ،,★
★★★★★★
اقلام بتكتب من،، يادوب
بكلام يلوع،، في القلوب
و قوافي من ،، برا ،،الدروب
تلقي المعاني ،، رص طوب
اكتر ما فيها بيتنحت
بكلام ،، و ميزانه ، العيوب
و البحر ،موجه ، راح ، سِكت
أصل ، المحامي ، مش لاقي روب
و مشيت بين لمة المجاذيب
شوفت الأصول ساعات بتغيب
و ناس بكلام يناولوني ، ماتعرف عيب
شربت كتير ،،وياما حاسبت ع المشاريب
انا اللي عِنيا كات مخنوقة بدموعها
بعاتب ،، ناس و ياما ،، كتير بودعها
و اعيش احساس مع الوحدة و أَسَمعها
حكاية طفل فاته العمر ،، صابه الشيب
انا اللي نكرني احساسي مع الأكاذيب
و بلضم فكر بحروفي كأني طبيب
تشوفني الناس و تدعيلي بظهر الغيب
و ناس تانيين عشان مجانين يقولوا كئيب
أنا اللي ضربت عرض الدنيا بالإحساس
بقابل ناس ، تدوقني ،، مرار ،، الكاس
أكمل دنيتي فيهم و أراضيهم ، الاقيهم
ما شوفتش حد ، قربلي و كان وناس
ساعتها قولت بلاش ، البعد عنهم غيمة
الغُمة لو تنحاش ، تهدي النفوس اللئيمة
خليك تكون نفسك و ابعد في دور تمثيل
دي النفس لو بتميل ، تبقي الحياه مش كريمة
★★★★★★★★★★
أشعار / ياسر عبد الحميد
★★★★★★★★★★
مرتبط
