أنا اللي حافظت ع البلاص كأنه أساس ،، يطمنا دا ، كان المش فيه محتاس و حتي الدود ، هرب منا اكلنا منه ميت جمعة و درسناها في الجامعة و فاتنا و ساب لنا الدَمعة تسيل ع الخد مش لاقيين نجيبه منين رغيف العيش يا بني ادمين طالع شايط بقاله سنين و سكرنا اللي بيلزق ، بقا موهزأ و مش عارضينه في البتارين خلاصة القول ، وحتي الفول ، دا ، كان نابت، أيديه سابت ، ما يسند حتي لو ساعتين و ياما سمعنا في الأساطير عن اللحمة وكنا هناك و ياما غرقنا في الزحمة بقلب كبير كانت طوابير تجمعنا ف جمعية يا باب الخلق قولولنا الفرخة،، فين هية بقت ذكري ،، ماعاد في ايدينا نقدية يا بركة ،، هِلي بالرحمة لا عاد فيكي يا حرية ولا عدالة اجتماعية شربنا الخيبة بالمَيٓة و بلعناها بدموعنا ،، و مين داري ،، باوجاعنا
