حلم،، أصيل
***********
حلمت في يوم و انا صاحي
ركنت جراحي جانب الحيط
ادان الفجر ديك صاحي
يكاكي صوته هز البيت
و عاركة لقططين جعانين
و كلب نباحه في الشارع
و سرب حمام كانوا طايرين
و نزلوا في ساحة الجامع
و لون الدنيا كان فاتح
بيتسرسب،، يهد الليل
و شمس اصيل بتترنح
و تتمرجح شروقها يميل
و انا صاحي في حلم جميل
مانيش عاوز افوق منه
زعق واقع،، بدم تقيل
شاورلي ع اللي كان منه
*******************
اشعار / ياسر عبد الحميد
********************
مرتبط
زر الذهاب إلى الأعلى