طالب يستغيث من بطش اصحاب العقار بمنشور علي صفحته قائلآ.
كتب يحي محمد الداخلي
انا احمد سالم سيد طالب ف ثانوي عام.. وشغال model ومدرب ف چيم ساكن ف العرب ف شارع ابو بكر الصديق الشقه اللي ساكن فيها عقد مفتوح بندفع ايجار 400ج ودفعين تقديمة الشقه 85الف… المهم من حوالي 8 شهور بظبط صحاب العماره عرضو علينا 50الف مقابل اننا نسيب الشقه ونتنازل عنها طبعآ ده رقم قليل جدآ.. المهم اهلي رفضو بعديها بفطره قليله بدأت اتعرض لمشاكل من ولادهم الشباب اللي عايشين ف العماره معايا جر شكل وابتزاز وحاجه قلت ادب ونا قاعد ف العماره بقالي 7 سنين ف حالي ولا مصاحب حد ولا ليا علاقه بي حد نهائي.. المهم بنتهم وصلت لي رقمي الله و اعلم ازاي وبعتتلي ع الواتس اب.. ونا عملتلها بلوك ع طول.. بعدين عدا يومين السبت 13رمضان فطرت مع امي و ابويا بعديها بساعه نزلت احول فلوس عشان بجيب مكملات للچيم عندي وكده مكملتش 10 دقايق ورجعت ع البيت بنتهم حاولت تتعرضلي ونا طالع ع السلم لوحدي روحت زقتها بعيد عني جامد والله العظيم محصل أزيد من كده ولا اقل ودخلت الشقه.. بعديها بي لحظات قليله جدآ الناس دي فضلو يرازعو الباب علينا وبيقولو اني اتهجمت ع بنتهم و اتحرشت بيها وكمان قطعت هدومها وكلهم اتلمو وفضلو يرازعو ع الباب جامد ويشتمو ومعاهم سلاح وسكاكين وطبعآ احنا مش عارفين نعمل اي غير انينا نهديهم عشان نفهم ف اي بظبط انا فعلآ حاولت اعمل كده اهديهم لقني مكنتش فاهم اي اللي بيحصل والله العظيم فتحت الباب راحو مسكوني اكتر من 40 واحد اقسم بالله العظيم وفضلو يضربو فيا بي الرجول و البونيات و العصيان ونا لوحدي ومفيش غير امي و ابويا اللي معايا ف الشقه.. انا وشي باز ده غير التجلتات اللي ف جسمي و التعوير اللي ف رجلي وضهري.. حسبي الله ونعم الوكيل فيهم كلهم وفي ولادهم ونا حقي عند ربنا وحسبي الله ونعم الوكيل وانت الوكيل المتصرف يارب … ((كل الحكايه دي سلطو بنتهم ترمي بلاها عليا عشان يخدو الشقه اللي احنا قعدين فيها)) يضمرو حياتي ويبهدلوني بي الشكل ده.. حسبي الله ونعم الوكيل وانت الوكيل المتصرف يارب
