أعتاب،،، ♕
********
نصبوا الاحزاب علي عتبة باب
بتنادي بمبدأ،، حرية
عملولها مقام،، تقرير احلام
تهدف للوحدة الوطنية
من غير تكليف،، علي شعب شر يف
احلامه عدالة اجتماعية
و العيش دا رغيف،، بقا شكله سخيف
دُرة صفرا و قمح بقا شوية
اما التموين طوابير مساكين
حارمينها في قعدة طبلية
و اللحمة يا خال،، ماتجيش ع البال
ولا حتي في جيبك نقدية
و الغلا بيزيد،، علي قطر حديد
مارثون ما عرفش الحنية
حق الغلبان بقا في النسيان
باع دمه و بَلع،، بالمية
و اتبرع،، يا،، فرض فهمناه
متخصص فيه للجمعية
و شربنا الويل، في نهار او ليل
و غرقنا سماحة و مرازية
في طريق فوازير،، بنحل كتير
ووصلنا لامراض نفسيه
**********************
اشعار/ ياسر عبد الحميد،، ♕
**********************
مرتبط
زر الذهاب إلى الأعلى