أغنية
( إزعل )
عاوز تزعل؟ إزعل
م إنت تملي بتزعل
أنا خدت منك إيه؟
غير إفعل ولا تفعل
يامعلمني كل الحب
ليه الحب الصعب؟
وسرعة دقات القلب
جاوب ع اللي بيسأل
عاوز تزعل؟ إزعل
سؤالي ليه الحيرة؟
والدنيا أماني وجيرة
يااللي: فاكرها كتيرة
كلها أيام وبنرحل
عاوز تزعل؟ إزعل
كفاية ظلم وشقى
اللي : سقاني إتسقى
عذبني هواكم بقى
شربني مر الحنضل
عاوز تزعل؟ إزعل
عشت الغربة ليالي
غرامك دمر حالي
إمتى يانور هتلالي؟
وتشوف الحب الأفضل
عاوز تزعل؟ إزعل
كلمات
حربي علي
شاعر السويس
مرتبط
