انت مين …؟
بقلم /
دكتورة لبني يونس
انت مين …؟
انت حب ولا جرح ولا عذاب السنين
انت الوجع ولا الطيبة والحنين
انت جيتلي نعمه من السما ولا مخلوق زينا من طين
انت مين …؟
عندك قلب مليان مشاعر ولا جاحد وناكر للجميل
ساعات بلاقيك ملاك وفيك حنية وعطف مفيش منك في الشهامه اتنين
وفجأة الاقي ادامي شخص ماعروفش دة مييين وجالي منين
انت مين ….؟
انت نعمه ولا نقمة
انت رحمة ولا قسوة
ساعات بتقدر علي الغياب وفجأة يجيبك الشوق رغم العناد
انت مين….؟
انت سخي وعلي العطاء قادر
لكن في الغضب اوعي من وشي ويارب ياساتر
انت مين …؟
انت طفل ساخر
ولا عجوز هلكته الايام و طحنتة الستين
