خواطر وأشعار
عيونك سحر
بقلم عبدالحميد الشاعر
شفت في عيونك سحر اه ياني
بحر عميق في كل نظرة اغرق تاني
قلبي اتحرك وقال فيهم حناني
اخاف اغمض اضيع معرفش ارجع مكاني .
عيون دي ولا قمر قلبي قال بستاني
طب اعمل اي أتنفس م الرحيق ولا يجن جناني
ياساحرة العيون بقدم اعتزاري
قلبي خلف وعده وقال دي داري
نداني رمشك وفضلت اناقض كلامي.
بس مين يقدر يقف قدام القمر مفتح ثواني
نبَض القلب والعين واشتغلت الدقات
هيفضل جمال عنيكي نوري لوقت الممات
دقات نبضي بتترجاني
تفضل عنيكي ليها اغاني
اه القمر عالي بس بقيتي للعمر أماني
قدام عنيكي مجني عليه ولا علي نفسي جاني.
عبدالحميد الشاعر
