سلسلة كان زمان
——— سلسلة كان-زمان
كان زمان فيه أدب
كان زمان فيه كسوف
اللي كان بين الناس
احترام ومعروف
كُنَّا بِنداري وشِّنا
في لقطة فيلم مكشوف
وبالذَّات لو عندنا
معارف أو ضيوف
التلفزيون كل يتقفل
على تربيزة ملفوف
ساعة ما كان يموت
جار أو قريب
أو حتى صديق مألوف
الأكل ف صحن واحد
يغمَّز منّو صُغيَّر وكبير
والاكل على قد الإيد
نوعه ما يفرقش كتير
لا لانشون ولا جبنة شيدر
دا يا دوب جبنة او كِشْك
بس معمول بضمير
ما عمره ولد زعل
ولا يقول ما يعجبني
وإن جه ف يوم قال
حسابه هيكون عسير
والكل مبسوط ف نومه
والفرش يا دوب حصير
و النهاردة مفيش رضا
لا علم نافع ولا خِشا
وتربية ما فيها تأثير
رغم ان الدنيا عطيانا
والفرش والغطا حرير
وكل واحد ف البيت
أوضة ودولاب وسرير
وسيراميك وحمَّام افرنجي
ولا شايفين فرق خالص
بين عمدة وغفير
وموظف بسيط عايش
عيشة اكبر مدير
يا رب فين الرضا
واللا كله بقى ضرير
والبركة خلاص راحت
وريحة الذنوب فاحت
والأمر أصبح خطير
ويسترها ربك الستير
بقلمي
رمضان محمد محمود
