خواطر وأشعار
ارسمي بحمرتك بوسات عخدودي
ارسمي بحمرتك بوسات عخدودي
بقلم علي بدر سليمان
جودي عليي بهزة خصرك جودي
وارسمي بحمرتك بوسات عخدودي
ضميني عصدرك وامسحي الدمعات
عيونك حياتي بالحب موعودة
جمالك طغى ياست الستات
وبقدك هالمياس أطلت شرودي
ماتبعدي عني وانطري اللي آت
كوني بقربي ت ألف قدودي
ادخلي بقلبي واسكبي العطرات
ونامي عالهدا عاخمرة زنودي
خبري صحابك ينثروا الوردات
وخلي هالأفراح دوم معقودة
تغرد الطيور تحكي هالنهدات
عشقك حكاية أول وجودي
ماتخافي أبد عيشي هاللحظات
لعيونك اليوم رح أنشر جنودي
ماتجرحيني وانسي يلي فات
أنا التاريخ مابخلف وعودي
عندما تقولي هالقلب مات
عندها وبس رح أعرف حدودي
