خواطر وأشعار
إيه يا دنيا ؟!
إيه يا دنيا ؟!
ناجح أحمد – صعيد مصر
جاي رايح أشوف دنيتنا مالها
لا عرفت أشوف يمنها و لا حتى شمالها
إيه يا دنيا ؟! صوتك مجلل بتجري ورا الكداب
ناكر الحساب و مش فاهم إنها فانيه بجمالها
و فص ملح و داب تعمل فطيس و ندلة لما نندهلها
ما لك يا دنيا ؟! مكركبانا على بعضنا و كفيانا
يكفيك يا دنيا سيبي الخلايق في حالها
احنا ضيوفك و على كف الرحمن شالها
سطحك جليد إما يدوب و نغرق في مياهها
أو نتزحلق عليه و نتكسر فتات نروح التراب
و هيه لاهيانا فيها و لا فـ بالها
معلهش يا دنيا يا حلوة ماعدش تخطر
كان غيرك أشطر هيه يا ناس بتورينا دلالها
حتى كمان مايعة و مش سهلة
تروح الدنيا و جرايرها و أفعالها
و إيه يعني و حتى يروح مالها.
ناجح أحمد محمد – مصر