خواطر وأشعار
البقاء لله..
البقاء لله..
كلمات/ أيمن البكرى
البقاء لله
أحن حد عليا
وأطيب بنت ف الدنيا
ما إتخلتشى ف يوم عنى
وعمرها ما سابتنى ثانيه
خلااااااااااص ماتت
وكانت لما الدنيا
تقفل فى وشى بيبانها
كنت بجرى عليها
وأترمى فى أحضانها
وتصبرنى وتقولى
خلاص هانت
وكانت بتقولى
إحنا مابنختارش أقدارنا
ودى دنيا مش جنه
ومش هتاخد منها
كل إل بتتمنى
اصبر شويه وإستنى
وإل إنت عايزوا هيجيلك
ببركة ام بتصلى الفجر وتدعيلك
وحبيبه كل أحلامها
تكون مبصوت وجوه عنيها تشيلك
كانت بتقولى
ولا يهمك أى حاجه
أنا معاك مهما يكون
وطول ما إحنا مع بعض
كل شيء هيهون
إطلب عنيا أديلك
وأسيب الدنيا وأجيلك
فين ذيك أنا هلاقى
واحده تحب كده وتصون
كانت بتقولى
هعيش معاك على الحلوه والمره
ومش هتسمع شكوتى مره
علشان حسيت بقيمتى معاك
وأد إيه إنت طيب وملاك
أنا إل عايز دلوقت أقولك
إن أنا بعدك
أتعس واحد ف الكون
