يا ام العيال………
يا ام العيال………
يام العيال حسي بيه شويه وبلاش اكون انا الضحيه وتنسي العشره اللي بينا
طالبه الطلاق ومهاجره وكل يوم قضية إن كنت غلطان حقك عليه وسامحي عشان ربنا يرحمنا
الحياه صعبة والأسعار غاليه اتحملي المسئوليه وربنا هايرزقنا
بلاش تبصي لغيرك دا احنا غلابه ونعيش ع قدنا ونحمد المولى ع نصيبنا
وبلاش عيند ومجادله وندوس ع اعز شئ بسبب طمعنا والنظر لغيرنا
المكتوب مكتوب حتى لو عن بعض انفصالنا واختلفت سكاكنا
ليه نضمر ولادنا ما نعيش ونرضى بنصيبنا ونحمد ربنا ع النعمه وتكمل مع بعض مشوارنا
الفقر مش عيب دا العيب اننا اتسرعنا وعايزين كل حاجه بمنتهى السرعه حتى لو هانخالف ضمايرنا
لكن حتى لو الفلوس ملت جيوبنا برضوا مش هايسعدنا عشان الطمع شاغل عقولنا
ما نهدى ونمارس نشاطنا وندعي ربنا انه يفرجها وبالحب والخير ربنا هاينصرنا
الحياه متاعب ولابد تواجهنا ويوم تجرحنا ويوم تفرحنا وترسم البسمة على وجوهنا
يبقى ليه نزعل ونشغل عقولنا دي محسومه من اول ما اتخالقنا
الرحمه يام العيال واجبه وبالأصول ربنا هايسعدنا بدعوه منك حلوه تهدي الأعصاب وتريح قلوبنا
انا شخص معاكي طيب وعمري ما قولت كلمه تضايقك يبقى ليه عايزه تبعدي عني وجودك بينا يام العيال بيسعدنا
وينور حياتنا دا بيتك وسيبك من كلام الناس مش هاينفعنا
يارب اهدينا واسعد أيامنا ونور بالايمان قلوبنا وعوضنا باللي ينفعنا ويرسم الفرحه داخل قلوبنا…
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا…..
مع فارس الكلمه….. الشاعر طاهر مختار عتيت
شاعر العصر…… الاحساس و بس…..تحيا مصر
طنطا…..كفر الزيات…….اكوه الحصه
