خواطر وأشعار
وهتعدي٠٠٠٠٠٠٠٠٠٠٠٠٠٠٠
وهتعدي٠٠٠٠٠٠٠٠٠٠٠٠٠٠٠
وهتعدي
ولو كانت مره كانت صعبه
كانت قاسيه
وهتعدي
ولو فيها ناس داست وناس باعت
وناس خانت
وهتعدي
ولو كانت مره
مسيرها هتضحك ولو مره
عيشها وإفرح وإتبسم
دي أرزاق وبتتقسم
دوس علي اليأس وكمل المشوار وإحلم
وهتعدي
مهما كانت صعبه
وكانت كتير قوي لعبه
معرفناش أبدا” نكسبها
العيب فيها ولا فينا
إحنا إل معرفناش نحسبها
وهتعدي
مهما كانت أسيه
وفيها ناس ناسيه
أعز ما ليها
هتفضل بردوا أه ماشيه
ولا عمرها هتقف علي حد
ولا عمرك هتعجب كل الناس
حتي لو مشيت علي الحبل
وهتعدي
ولو إل إنته حبيتها
سابتك علشان واحد غيرك
والناس إل إنته إديتها
نكرت ف الاءخر خيرك
وناس هدت أحلامك
وراهنوا علي أصلك وضميرك
مفيش حد يستاهل
دلوقتي إنوا يتعاتب
هتعدي وتتساهل
إنته إلي علي المشاريب هتحاسب
مهياش مسابقه ولاتحدي
ولوخدت ف يوم هتدي
أيامنا مهما طالت فيها
مسيرها هتنتهي وهتعدي
……….كلمات/أيمن البكري
