عجائب الصراعات الفنية الغريبة اللي دارِت في أوائل التمانينات لأواخر التسعينات.
عجائب الصراعات الفنية الغريبة اللي دارِت في أوائل التمانينات لأواخر التسعينات.
بقلم سهير يوسف
كان صراع نبيلة عبيد ونادية الجندي والغريب في الموضوع أن مفيش أي وجه للمقارنة فنيًا بين نبيلة صاحبة الموهبة الأعلى واللي أعمالها كانت تُحف فنية من روايات «إحسان عبدالقدوس» وسيناريوهات «وحيد حامد» وبين نادية اللي كل أعمالها تجارية باحتة ومفهاش أي مضمون أو رسالة بس على مستوى الإيرادات نادية الجندي كانت بتكتـ ـسح شباك التذاكر مش بس قدام نبيلة لأ دا مع الكل حرفيًا وكانت المُنافسة الوحيدة لعادل إمام على عرش الإيرادات..
والأغرب من دا كله أن الفترة دي هى الفترة الذهبية للسينما المصرية واللي كان فيها عادل إمام ومحمود عبدالعزيز وأحمد زكي ونور الشريف كلهم بيتنافسوا مع بعض بس منافسة عادية ومنطقية وفي المقابل نادية ونبيلة قلبوها حـ ـرب مع بعض وكل واحدة فيهم ليها جيش بتاعها من الممثلين والمؤلفين وأحيانًا كان الصراع بيبقى هُزلي زي إنهم في مرة أتخانقوا على “محمود حميدة” مين فيهم تحتكرُه في أعمالها وهو أختار نادية الجندي..
تخيل الصراع وصل على أيه بقى؟! ..وصل على الألقاب نبيلة سمت نفسها “نجمة مصر الأولى” ونادية سمت نفسها “نجمة الجماهير” !! وأتقال أن المُنتجين اللي أطلقوا عليهم الألقاب دي وده مُمكن يكون منطقي لنبيلة لأنها فعلًا كانت نجمة وكل المُنتجين بيجروا وراها لكن بالنسبة لنادية فـ الموضوع كوميدي لأن محدش كان بينتجلها غير جوزها محمد مختار
ومن قبليه جوزها الفنان “عماد حمدي” المهم الصراع بدأ ينتهي تدريجيًا في أواخر التسعينات مع دخول السينما المصرية في المرحلة الشبابية وقتها ولكنهم لسه محتفظين بالألقاب لحد النهاردة يعني نبيلة من كام سنة مش بعيدة عملت مسلسل إذاعي وقدمت نفسها بأنها “نجمة مصر الأولى” ونادية دخلت خناقة مع إلهام شاهين بسبب مسلسل “نجمة الجماهير” اللي قدمته إلهام شاهين ورفعت دعوى في النقابة لتغيير أسم المسلسل عشان ماينفعش حد ياخد اللقب بتاعها بس الدعوى أترفضت والمسلسل أصلًا فشل جماهيريًا ومحدش بيسمع عنه .. المُهم إنهم لحد دلوقتي لسه بيقدموها في البرامج بأنها “نجمة الجماهير”
طبعًا حاليًا لا دي نجمة مصر الأولى ولا دي نجمة الجماهير وصراع الإيرادات اللي حسمته نادية الجندي أصبح ملوش قيمة حاليًا ومش بيفضل في ذاكرة السينما والمشاهد غير صراع القيمة والجودة الفنية واللي طبعًا كان محسوم لنبيلة عبيد.”❤️
