ع المحطة …… !
الشاعر/حمدي يوسف
ياواد .. ياواد
يامنور الاعياد
وساكن ف قلبي
ومفرح الأولاد
واقفين ع المحطه …
نستقبل قدومك بالفرح
والإنشاد
أصيل ومن جماله
لو نقص أو زاد
يشرف .. يآنس
لو رحل أو عاد
و يجمل المجالس
في يوم الحصاد
حاضر ..
لو طال غيابك
يتفرش لك سجاد
و لو صادف هلالك
تنقام لك الأعياد
يارافع الهامه
بالعز والأمجاد
علي جبينك الشامه
ومعاد لكل معاد
يامفرج الكروب
ومطهر القلوب
م الغل والأحقاد
بالفرح والزينه
وقعده ف جنينه
بيحلا بيهم زاد
يعود معاك الفرح
ويطيب معاك الجرح
حتي لو احنا بعاد
ياواد ياواد
يازينة الأعياد
واقفين ع المحطه
بنودعك بوداد