بتعشقني…..
بتعشقني
كلمات/أيمن البكري
بتعشقني
قولتها كتير وأنا جنبك
عمري ما حسيت
إنها طالعه قلبك
ياما ناديت بعلو الصوت بحبك
ونفسي كل الدنيا تسمعني
هفضل دايماً علي وعدي
ولو بسببك
كل العالم وقف ضدي
مفيش حاجه أبداً
عنك يوم هتمنعني
وف أول مره بحتاجلك
بكل سهوله كان ردك
مش هقدر دلوقتي أرجعلك
عادي مش هتموتي يعني
بتعشقني
ياما كنت كتير حاسه
إن أنا مجرد فرصه
عشان توصل لحاجه تانيه
قولت أهي لعبه وألعبها
ولو مكتوبلي أكسبها
تروق وتضحكلي الدنيا
ولو خسرت بقا عادي
ماجتش علي واحده أخدعها
ياما كدبت تفكيري
وقلبي كان رافض يصدقنى
بتعشقني
بتعشق فيا إيه صمتي
وحزني وكسرتي وضعفي
بقيت عاشق لكل حاجه بتوجعني
خلاص مابقتش أخاف وأستسلم
بقيت بعرف أرد وأتكلم
ياما إشتريتك ب الغالي
وإنت ب أرخص تمن كنت بتبعني
رغم تمثيلك لبرأتك
ربنا كشفك علي حقيقتك
وظهرت علي أصلك
بقا بسهوله العشره تهون
بقا داه جزاة الواحده إل تصون
مفيش قوه ف كل الكون
دلوقتي ممكن ليك ترجعني
بتعشقني
قولتها كتير وأنا جنبك
عمري ما حسيت
إنها طالعه من قلبك
ياما ناديت بعلو الصوت بحبك
ونفسي كل الدنيا تسمعني
هفضل دايماً علي وعدي
ولو بسببك
كل العالم وقف ضدي
مفيش حاجه أبداً
عنك يوم هتمنعني
وف أول مره بحتاجلك
بكل سهوله كان ردك
مش هقدر دلوقتي أرجعلك
عادي مش هتموتي يعني
عادي مش هتموتي يعني
بتعشقني
