أحلامنا تاهت ———-؟
بقلم شاكر محمد المدهون
ابكي على عمري اللي فات
ولا على مر الزمن
مابقيت خلاص حبة رفات
جوه توابيت العفن
متمرغين متنثورين من الألم
حياتنا راحت مننا بقيت عدم
ومن الألم بقينا ننطق بالشجن
=================
أحلامنا اللي كانت في يوم ورود
صارت ندم
والضحكة اللي نورت كل الدروب
صارت عدم
والقلوب اللي كانت في يوم
صارت وهم
والصحبة اللي جمعت قلوب
صارت عشم
والأماني اللي تغيرت جوه العقول
صارت زي الليالي سقم
ابكي من وحوش الغابات
ولا ابكي من الألم؟
كلاب مسعورة جوه النفوس
تنهش مشاعر صارت عدم
الحكاية مهيش فلوس
وعمارة حلوة منورة
الحكاية موت النفوس
وجراح بتسكن في السكات
وفي قسوة تقتل اي حلم
نصبح صحاب
او حتى عيلة منثورة
او حتى نرجع للي كان
ايام قيس او عنترة
—————————————
