بتغيرى عليا
تعظيم سلام تعظيم سلام
وليكى منى كل إهتمام
وأوعدك مش هبعد عنك
فى يوم من الإيام
بعتالى رساله بتفكرينى
إننا هنتقابل النهارده
وهو أنا ممكن أنسى يانور عينى
يا أحلى وأجمل ورده
طيب داه إنتى وحشتينى
ونفسى أشوفك بعد ثانيه واحده
هو أنا أقدر أنسى معادك
والله تعبنى بعادك
وحشنى رخامتك وعنادك
وضحكتك وكلامك وسكوتك
واحشنى شايك وبسكوتك
نفسى أفتح عينى وأغمض
ألاقينى واقف قصادك
سامحيني لو واجبى
خدنى منك يا روح قلبى
بس أنا مهما أبعد
صورتك مبتفارقش عنيا
لسه فاكر لما قولتى
نفسى تفضل معايا وجنبى
وإنك بتغيرى عليا
من كل حاجه حواليا
حتى من شغلى
إنتى أكيد عارفه
أنا قد إيه بحبك
وإنى من جوايا
نفسى أفضل
كل ثانيه جنبك
وإنى بتمنالك الرضا ترضى
وعمرى ما كنت
قاسى معاكى أو عندى
بس أنا لما تنادينى أرضى
مقدرش أتأخر عن وطنى وبلدى
