بقلم أحمد أبو سمك البيت كلة بيصحى بدرى عشان يلحقوا اليوم من اوله يفطروا مع بعض ويتجمعوا على ترابيزة واحدة او طبليه واحده فطار مصرى أصيل طعمية سخنة وفول معتبر تفتح التليفزيون تتفرج على سينما الأطفال ومغامرات الكلبة لاسى والمابيت شو تنزل تصلي الجمعه وترجع تتفرج على عالم الحيوان وتستنى سر الأرض كنا بنشوفها عشان القرموطى وبعده الشيخ الشعراوي ويجي ميعاد الفيلم العربى كان علطول بيبقي فيلم قديم ابيض واسو ونيجي لبرنامج حياتى اللي مكنش بيحبه غير امهاتنا ونختمها بحديث الروح وإلي السرير للخلف در لازم ننام بدري. اصل ورانا مدرسه تاني يوم وحشنا يوم الجمعه بتاع زمان ياريت نرجع نعيش ولو يوم واحد منه
