تعرف أكبر خدمه تقدمها لبلدك أيه؟
إنك تربي أولادك كويس وتعلمهم الأخلاق وتزرع جواهم حب الوطن
عرفهم إن الأرض والعرض واحد لو ضاع الوطن بتضيع معاه الكرامه والشرف
عرفه إن جيشه عامل زى الأخ الكبير إللي بوجوده مفيش حد يقدر يأذيه وإن لاقدر الله أخوه ده لو راح هيصبح ملطشه
قوله كده وبلاش تسمع لأي قليل أدب ممكن يتهمك بالتطبيل والكلام الفاضي ده.
خير لك أنك تطبل لبلدك افضل من الرقص علي حدود الدول
علمه إزاي يركز في تعليمه وبلاش يتكلم في كل حاجه لأنه وقتها هيفقد التركيز في كل حاجه وهيلاقي نفسه فشل حتي في كل حاجه
عرفه إن شيخه الحقيقي هو عقله وإن ربنا خلق ليه عقل عشان يفكر وعرفه إن الأساس في الأسلام هم الأركان الخمسه وإنه لو عملهم صح هيدخل الجنه
وإن افضل الأفعال هي المعامله الحسنه مع الكل
علمه ميسلمش عقله لغيره
عرفه إنه عشان يتكلم في السياسه
لازم يكون علي الأقل فاهم كويس طبيعة المشهد بلاش حبه لشخص يخليه حتي يحلل غلط ويتهم الناس بالباطل مره والخيانه مرات…
علمه يختلف بأدب ويتناقش بأسلوب متحضر ويقبل بالإختلاف ويحترم معتقدات غيره ومينصبش نفسه وصي علي غيره ويبعد عن تكفير الغير وإن الدين لله والوطن للجميع .
لو عملت كده هتكون ربيت صح ويكون ده الابن الصالح إللي هينفعك في حياتك وبعد مماتك
ذكره دايما ببيت الشعر ده
وما من كاتب إلا سيفني ويبقي الدهر ما كتبت يداه.
#حفظ_الله_مصر سعيد ابراهيم السعيد
