الونس
يبخت إلل عنده ونس ف حياته ، ونس حقيقي ، مخلص، صريح ومريح ، وجود الونس دهه بيخلينا نعدي أي مشكله ، ونتحمل أي هم ، لأنه بيفكر معانا إزاي نحل المشكله دي وبيشاركنا ف شيل الهم ، مهما كان الهم دهه خاص جداً.
أنا بحترم جداً الرجل اللي يتباهى بي شريكة حياته قدام الدنيا كلها ويفتخر ، ولما يتقاله انت بتدلعها وبتطاوعها في كل حاجه كده ليه يكون رده أيوة عشان بحبها، مابحبش ازعلها” من غير كسوف ولا خجل ،الراجل اللي يؤمن بكيانِها ويسعى ويحب انه يلبي رغباتها ومايشوفش أن ده عيب أو أنه كده بيفقد رجولته وأنه لازم يقولها لأ من غير أي سبب عشان يبقى راجل وقادر يمَشي كلامه عليها والسلام ، الرجل السَوي اللي بيفهم وذكي وعارف يرضيها ازاي وحريص يسعدها و تبقي كل حياته حرفياً ،كامل العقلية وبيحس ولماح عارف ومقتنع ان قمة رجولته في حنيته .
تحرير دعاء نور
