(قسمونا)
بقلم الشاعر رضا ابو شنب
قسمونا وبهدلونا
لما طمعوا في ورث ابونا
حتي فرن البيت خدوه
وقفونا علي الطابونه
لما قلنا ولسه ايه
قالو سيبنالكوا الصابونه
للي عايز يبقي بيه
واللي يعصر في الليمونة
قسمونا وبهدلونا
لما طمعوا في ورث ابونا
قسمونا وفرقونا
قسمونا في المكان
والفيران طلعت علينا
وفي ايديهم الميزان
حته ليكي وحته ليا
وندي حته للشيطان
لما يرضي بالهدية
كلنا نبقي في امان
والكراسي هي هي
هي عزبة من زمان
للي ياكل في التكيه
واللي عايش بالضمان
واللي يعمل تمثليه
ينشغل بيها الجيران
واحنا تحت البطانيه
مرتاحين جوه الحيتان
نبقي في أيديهم ضحيه
يدبحونا في الميدان
عينونا بالماهيه
واحنا أصحاب المكان
يرفعولنا البندقيه
واحنا نجرى علي الادان
قسمونا وفرقونا
قسمونا في المكان
قسمونا لالف ملة
اللي شيعي واللي سنه
واللي حتي ملهشي ملة
دخلوا في الدين مشايخ
موتوا كل الائمه
اللي شارب واللي دايخ
واللي يفتي بكل زمة
واللي بيولع حرايق
واللي لابس الف عمة
زوروا كل الحقايق
كدبوا علم الاجنة
قسمونا وكنا لمة
كنا وسط الكون ائمة
كنا وسط الكون ائمة
مرتبط
