بقلم / ثروت محمود شفيق
ايوه فى الروبابكيا
حاجات قديمه لكن اصيله
للى عنده عين وقلب من دهب
كلها حكايات وروايات موجوده حسب الطلب
هتلاقى فيها تحف كثيره
وملابس قديمه والوان من الكتب
تحكى حكايات عن اللى عاش حياته بحب
واللى ضحى بوفاء وحلمه فى غفله منه اتسلب
فى حكاوي
بياع الروبابيكيا تلقى العجب
عن اللى جاد بالموجود واللى كدب
واللى خان الماضى والراضى باللى عليه انكتب
حكايات
مزحومه باللوم والعتب
والف اه واه من اللى انكتب
واحلام كتيرة ضاعت مننا رغم
أننا كنا رصينها بحب وعنايه زى عنقود العنب
وحب عاش جوه القلوب
فيهم اللى خسر واللى كسب
المهم اننا بنشترى ونبيع ذكريات
آثارها باقيه فيها عبر الزمن . وحسب الطلب
روبيابكيا شاهده
ع اللى كان واللى انكتب
وقصص ماحكاها لينا اى كتاب
واسرار مكنونه جوه الهدايا والجيوب والعلب
بيكياااا .. بيكياااا
لقلوب فالصو وقلوب
زي الماس وغيرها من دهب
وحكايات تشيب ليها الراس ومليانه كل العجب
عن اللى صان واللى خان
واللى فارق حبيبه من غير سبب
واللى داق العذاب ولا تاب ولافارق ولا غاب
واللى عمره وفى لحبيبه وبكل ما يملكه وهب
بيكيا بيكيا
حسب المرغوب والطلب
من حكايات قديمه موروثه لشعب له قيم
وأصول فيه اللى صانها واللى شيطانه غلب
واللى فاق قبل الأوان
قبل ما ناره تاكل كل الحطب
وتاب لربه توبه نصوحه تمحى الغضب
وقدم المعروف قبل ماسوء الخاتمه ينكتب
كل الشكر إلى ملهمتى بكتابتها
ثروت محمود شفيق
مرتبط
