بعد شغلي روحت بيتي نمت ماكملت قوتي شوفت مارد … قلت مين قالي أخوك يبقى الحانوتي قلت مين جابك فى بيتي قالى ميت .. قولت مين ؟ قالى إنت ………. م الغسيل هاخد يوميتي بعد فتره أشوف سواد والصراخ هز العباد اللي قال آه ياسبع واللي قال شر العباد واللي قام جاب الكراسي والفراشة ع النواصي واللي واقف واللي قاعد واللي ماشي واللي راسي جهزوني وكفنوني فى نعش أخضر ستفوني صلوا بيه صلاة جنازه الناس كتير كان يوم أجازه ع الكتاف شيلني أربع كان فى ذكر الله بنسمع م الوداع كان ناس بتدمع لما روحنا ع المقابر كان كل الجمع صابر إلا صابر أصله عابر كله ماشي إلا هوه كله راجع هوه جوه دخلوني ونيموني وكلهم بيكلموني قالوا إثبت قلت ثابت رجعوا تاني وسيبوني بعدها نور من بعيد والنظر بقى من حديد شوفتهم إتنين ملك الوجوه بيض فى الفلك هللوا صدري إنشرح بعد ماكان إتهلك قعدوني فى الإمتحان والسؤال محتاج بيان قالوا ربك قلت واحد للإله كل الكيان قالوا دينك قلت مسلم والسلام يعني الإيمان مين رسولك ؟ قلت طـــــــــــــه صلوا بينا عليه كمان هوه أحمد أو محمد والقرأن خير البيان قالوا صابر وانت صابر بيك هنعبر كل غابر آدي قصرك شوف هناك قصر صبرك كان لؤاك قلت قصر مين هناك اللي شايله الملاك قالي عجبك قلت صاحبه مين حداك قالى إيــــــــه قلت آيـــــــــــه قال آيـــــــــــــات قلت له ليها حكايات قصرمين تاني هناك قال وفـــــــــــــــاء قلت له نعم الوفاء بنت رفضة ذلها وبكبرياء قلت له مين كل دول قالى دول يبقوا الزهور كل طفل مات شهيد م الكبيرحتى الوليد م الإله لابسين جديد شوف محمد شوف إيمان م القصور ليهم عديد واللي فجر فى نتانيا واللي قال الدنيا فانيه والشهادة لابد عنها وانتظرها ثانيه ثانيه قلت طيب .. قصري فين قال لي قصرك ع اليمين لسه ياابني همد رجلي والفرح طاير وخدني أم زغدني الواد هشام قال يابابا الفجر قام قوم وصلي على الرسول الصلاة أحسن ختام قلت ياابني سيبني حبه القصور راح تستخبه قال يابويا الفجر أحسن بيه هتبني القصور دي طوبه طوبه وحبه حبه.. ………. .
