انا لله في خلقه شئون؟؟؟؟!!!!!!!!
متابعة دعاء نور
والدنيا مقلوبة عشان الاخ حمو بيكا جاب عربية مطلية بالدهب عيار ٢٤، ومحدش جاب سيرة الشاب العبقري عمر عثمان اللي العالم كله بيتكلم عنه دلوقتي
عشان كده وفي وسط كل التريندات الي موجودة علي السوشيال ميديا، تعالي إحنا ناخد تريند لوحدنا ونعمل عظمة علي الشاب المصري العبقري ده !!
اللي قدامكم ده الدكتور عمر عثمان اصغر مصري وعربي يحصل علي شهادة الدكتوراه في الرياضيات من جامعة”duke” باريس، في سن 22 سنة بس … تخيلوا
عمر عثمان، وهو في أولي اعدادي قدر يختبر نفسه في الجامعة الألمانية والأمريكية والقاهرة، بجانب دراسته في إعدادي !!!
عمر كان بيمتحن بس من غير ما ياخد درجات رسمية ولا شهادة، وبناء علي نصيحة الدكتور أكرم مسعد استاذ الرياضيات بالجامعة الامريكية قدر عمر يسافر فرنسا وهو عنده 16 سنة بس
في البداية عمر واجهته صعوبة كبيرة في تعلم اللغة الفرنسية لانه كان غير متقن التحدث بيها، وبرغم كدة قبلوه بعد تجاوزة الأربع اختبارات عن جدارة
بعد كده حصل علي الماجستير وهو عنده 18سنة وبعدها الدكتوراه وهو عندة 22سنة رغم إنه لسه سنه صغير بس هناك الوضع مختلف اكيد والعباقرة بيتكسر ليهم كل القواعد ويتعمل ليهم قوانين تناسبهم
عمر مقدرش يحقق حلمة هنا لان في بيروقراطية تمنعة أنة يدرس في أكتر من جامعة في وقت واحد بس قدر يحقق حلمه في مكان مناسب لية ولاحلامه
عمر هو يعتبر تالت أصغر حاصل علي شهادة الدكتوراه في العالم واصغر مصري وعربي وأفريقي يحصل على شهادة اكاديمية من أعرق جامعة في فرنسا وخامس أفضل جامعة في العالم، بس هنا عشان التريندات ماشية غلط عزيزي المشاهد للأسف محدش سمع عنه حاجة
متابعة دعاء نور
