فدان جدعنه
بقلم/عماد الأبنودي
•••••••••••••••••
زرعت فدان جدعنه
حصدوها ولاد الأندال
ماتت الفضيلة و قبرها
رقص عليها المحتال
يا خواتي فين المشكله
عشااااان يرتاح البال
ليه توب المرجله ضاق
و لبسته حتى العيال
كداب و صدق نفسه
يفتن … على دا الحال
و كتير الكدب راسمه
يحكي كلام بدون أفعال
يعملك من الحبة قبة
شطارة بقا في الأقوال
صدق ااااالمثل اللي قال
اكفينا شر وقف الحال
و إبعدنا عن المصلحجي
و الندل …. و يا الجبان
و خلينا مع الأصيل الشهم
دي صحبته ما يقدرها المال
بقلم
عماااد الأبنودي
5 / 8 / 2023
