يا مفتلين ، الوجع ************** يا مفتلين الوجع لِموا ، الوجع بلجام أكم ما فيكم جدع رابطه بألف حزام دي الذكريات الغلط فتحت بحور أوجاع و الكل كان منصاع ، لقسوة الأيام
يا مفتلين الوجع، ليه الألم بيزيد أصل احنا دم و لحم ولا انتوا كنتوا حديد في ناس بتخدعكم ،، دول طبعهم غلاب ورا ،كل قفلة ، باب ، فتحولنا جرح جديد
يا مسلمين للوجع ، عايشين في دور مظاليم و مكتفين نفسكم ، بحكاية ، للتعاليم و الكل شايفينكم ، بيعيدوا حكايتكم إيه اللي ح ينوبكم ، غير كسر نَفس أليم
يا مكملين الوجع ،، اخر طريقكم ايه الكل فيكو ، اتوجع , بكلامكو و اللي فيه حتي اللي كان باين ، ف الصورة شكله برئ غدر بقلب جرئ ، و الغِل كان مداريه
يا مصبرين الوجع ، الصبر مش دايم السهل لو كان بحر ، الصعب فيه عايم دي الطيبة في القسوة شافت طريقها رماد و الحلم لو ينعاد ،، لازم تكون ،،نايم
******************* شعر / ياسر عبد الحميد **م**2023-8-19*****
