كل حكاية حب بتبدأ بكلمتين بحبك وهعيش معاك أجمل سنين ودايماً النهايه مشهد حزين ودايماً النهايه فراق مهما كان السبب داه ولا داه هو قالها قابلك قلبى عمروا ما شاف وهى قالت هكمل معاك لو ها أكلها حاف وواحد تانى ساب واحده علشان عليها خاف مع إنه بعدها عمروا ما عاش وواحده علشان الفلوس باعت الحب ببلاش ولو إتقابله بعد سنين كل واحد بيسأل نفسه داه يبقي مين
وحكايتي معاكي كانت أغرب حكايه إنتهت قبل مانشوف البدايه حلفنا هنكمل مع بعضنا وقولنا مهما حصل هيعيش حبنا وهنفضل إيد واحده طول عمرنا وفجأة لقيتك بعتالي رساله وجودك في حياتي صعب وإستحاله أنا وإنت كنا مجرد حاله قصه وإنتهت وخلصت الحكايه
كنت شايلك فى قلبي وقافل عليكي عيني كنت بحب كل حاجه حصلت بينك وبيني ولو فى لحظه تهتي قبل ما تفكري جنبك بتلاقيني إذاي بعد شوق وإنتظار بتأخدي لوحدك إنت، القرار إنك تتخلي عني وتسبيني
