مبروك يا ★آدم ،،★
★★★★★★★
ليه تجاري العتمة
و تقول ، دي نور
ليه في وسط الزحمة ،
ماشي ،،عكس الطابور
الطريق لساه قوبالك ، ما انتهاشي
بس اقوللك و انت ماشي
خد معاك حبة كلام
أو كام جنيه ،، هلافيت يا بيه
زي القروش ما بينفعوش
و خد معاك كام قناع
ينفع لتغيير الوشوش
و كام قلم فوق جبهتك
واعمل علي التجاعيد رتوش
بقولها لليٓ ما يعرفوش
فوق سطوح بيتنا العتيق
كان في فراخ عملت فريق
متنططين زي الوحوش
و زلعة المش اللي دابت
و دوبت ريقي بكابوس،، ما فهمتهوش
الضغط عالي
و اللي ساكن في العلالي
شئ طبيعي معاه فلوس
و الفلوس اصلا مصاري ،
بدم فاير ولا جاري بتتصرف
مين.اللي فينا ح يختلف
عن عوامات لكل مواطن
عام و بلبط ، في الجنيه
و اللي شافه بفعل باطن
إسألوه مين هيجني في يوم عليه
و اللي عايش كان مُعاين
بُكره ،،باين ،لو ح تِتبظظ ،، عنيه
مبروك يا آدم ،،،★
التفاح طارح في زورك
كل اللي صادفك في الحياه
جه ،،قبل،، دوك
وأنا ليل نهار ، واقف انتظار
نفسي ف قرار ،،
مستني دوري،، لما اجي ازورك
★★★★★★★★★★
أشعار / ياسر عبد الحميد ،،★
★★★★★★★★★★
